Votaziun dal pievel dals 28 da favrer 2016
Ils 28 da favrer 2016 ha la populaziun votà davart quatter projects.
Resultats
L’iniziativa dal pievel pretenda che fatschentas da finanzas speculativas, che sa refereschan a materias primas agraras ed a nutriment, vegnian scumandadas en Svizra. Ultra da quai duai la Confederaziun s’engaschar sin plaun internaziunal per il cumbat cunter talas fatschentas.
L’iniziativa pretenda che la lètg na vegnia betg disfavurisada envers autras furmas da viver, en spezial betg tar las taglias e tar las assicuranzas socialas. La lètg duai esser la cuminanza da vita da dunna ed um ch’è concepida per lunga durada, ed ils conjugals duain furmar en reguard fiscal ina cuminanza economica.
Il tunnel da basa dal Gottard sto vegnir sanà. La midada da la lescha permetta da construir in segund tunnel e da lura sanar il tunnel existent. Uschia è garantida la colliaziun stradala tras il Gottard er durant il temp da sanaziun. En la lescha vegni plinavant francà ch’igl è adina mo avert in vial per direcziun.
L’iniziativa pretenda ch’i vegnia votà anc ina giada davart l’expulsiun da persunas estras criminalas. Uschia vulan ils iniziants sfurzar tras lur idea davart la realisaziun da l’iniziativa per il repatriament. En il fratemp ha il parlament dentant concludì questa execuziun e rinforzà las leschas.
Documentaziun
Explicaziuns dal Cussegl federal
Links
Co, nua, cura? – Infurmaziuns utilas per las votantas et ils votants
Cura è avert mes biro da votaziun? Cura stoss jau trametter mia votaziun per correspondenza? Tge duai jau resgurdar cun emplenir il cedel da votar?
Las respostas sin ch.ch/democrazia